गोरखापत्र अनलाइन
युवालाई फर्निचर निर्माण तालिम
बेरोजगार युवालाई फर्निचर निर्माण गर्ने तालिम प्रदान गरिएको छ । सिप सिकाएर युवालाई स्वरोजगार बनाउन उक्त तालिम प्रदान गरिएको हो । तालिमका सहभागी हिक्मत बोहराले फर्निचर निर्माणसम्बन्धी सिप विकास तालिम प्राप्त गरेको बताउनुभयो । दक्ष सहजकर्तामार्फत तालिम लिएका कारण उहाँले आफू छ प्रकारका सामग्री निर्माण गर्न सक्ने अवस्थामा पुगेको बताउनुभयो । उहाँले आफूले तालिम लिएकै फार्निचर उद्योगमा कामसमेत पाएको बताउनुभयो । अर्का सहभागी सोन बोहराले तालिम निकै उपयोगी र रोजगारी पाउन सहज हुनेमा विश्वास व्यक्त गर्नुभयो । सदरमुकाम सिमकोटमा मात्र चार वटा फर्निचर उद्योग रहेका छन् ।
भ्रमण भिसा र व्यक्तिगत श्रम स्वीकृतिमा वैदेशिक रोजगारीमा पठाउने प्रक्रिया रोक्न जरुरी
श्रम, रोजगार तथा सामाजिक सुरक्षामन्त्री डोलप्रसाद अर्यालले भ्रमण भिसा र व्यक्तिगत श्रम स्वीकृतिमा वैदेशिक रोजगारीमा पठाउने प्रक्रिया रोक्न जरुरी रहेको बताउनुभएको छ । नेपाल वैदेशिक रोजगार व्यवसायी सङ्घको ३२ औँ स्थापना दिवस तथा ३० औँ वार्षिक साधारण सभाका अवसरमा सोमबार राजधानीमा भएको कार्यक्रममा बोल्दै मन्त्री अर्यालले भ्रमण भिसा र व्यक्तिगत भिसामा हुने ठगी रोक्नका लागि सहयोग गर्न सबैलाई आग्रह गर्नुभयो ।
उद्योगमा दुई खर्ब सत्र अर्ब लगानी प्रस्ताव
चालु आर्थिक वर्षको ११ महिनामा कुल प्रस्तावित लगानी दुई खर्ब १७ अर्ब रुपियाँ पुगेको छ । उद्योग विभागको तथ्याङ्क अनुसार चालु आवको साउनदेखि जेठ महिनासम्म ३८५ उद्योग दर्ता भई दुई खर्ब १७ अर्ब लगानी प्रस्ताव आएको हो । ती उद्योग सञ्चालनमा आए २६ हजार जनाले रोजगारी पाउने अनुमान गरिएको छ ।
धनकुटाको विकासका लागि संघीय बजेट
संघीय सरकारले धनकुटामा आगामी आर्थिक बर्ष २०८१–८२ का लागि करिब ८ अर्ब बजेट विनियोजन गरेको छ ।
गोदावरीको न्यायिक समितिद्वारा ५५ मुद्दा फर्छ्यौट
कैलालीको गोदावरी नगरपालिकाको न्यायिक समितिले चालु आर्थिक वर्षमा ५५ वटा मुद्दा फर्छ्यौट गरेको छ । नयाँ परेको ४३ र जिम्मेवारी सरिआएको १८ गरी जम्मा ६१ मुद्दा रहेकोमा ५५ वटा फर्छ्यौट भएको समितिले जानकारी दिएको छ ।
पहिरोले पाँच घर विस्थापित
अबिरल बर्षाका कारण गएको पहिरोमा परी मोलुङ गाउँपालिका –७ जेसे गौरीडाँडाका पाँच घरपरिवार विस्थापित भएका छन् । सोही ठाउँको २३ घर जोखिममा परेका छन् ।
सर्पले डसेको आशङ्कामा १२ घण्टासम्म मन्त्री अस्पतालमै
मधेश प्रदेश सरकारका श्रम तथा यातायातमन्त्री उर्मिलादेवीसिंह चौधरी सर्पले डसेको आशङ्कामा १२ घण्टासम्म अस्पताल भर्ना भएर सोमबार दिउँसो डिस्चार्ज हुनुभएको छ ।
वित्तीय लगानी निवारणसम्बन्धी कार्ययोजना स्वीकृत
प्रधानमन्त्री तथा मन्त्रिपरिषद् कार्यालयको प्रस्तावमा सम्पत्ति शुद्धीकरण तथा आतङ्ककारी वित्तीय लगानी निवारणसम्बन्धी राष्ट्रिय रणनीति तथा कार्ययोजना २०८१–८२ देखि २०८५–८६ स्वीकृत भएको छ । आज बसेको मन्त्रिपरिषद् बैठकले सो कार्ययोजना स्वीकृत गर्ने निर्णय गरेको हो ।
सब–इन्जिनियर हुसेन नियन्त्रणमा
ताप्लेजुङको फुङ्लिङ नगरपालिकाका सब–इन्जिनियर अख्तर हुसेनलाई अख्तियारको टोलीले नियन्त्रणमा लिएको छ । सेवाग्राहीसँग एक लाख रुपियाँ घुस रकम लिएको आरोपमा हुसेनलाई अख्तियार दुरुपयोग अनुसन्धान आयोगको टोलीले नियन्त्रणमा लिएको हो ।
संसदीय दलको नेतामा म नै छु : रञ्जिता श्रेष्ठ
नागरिक उन्मुक्ति पार्टीका अध्यक्ष रञ्जिता श्रेष्ठले पार्टीको संसदीय दलको नेतामा आफू नै रहेको प्रस्ट पार्नुभएको छ ।
सत्ता गठबन्धनबारेका चर्चा असत्य हुन् : मन्त्री शर्मा
सञ्चार तथा सूचना प्रविधिमन्त्री रेखा शर्माले सत्ता गठबन्धनमा असमझदारीका हल्ला सत्य नभएको बताउनुभएको छ ।
सिद्धार्थ बैङ्कमा आगलागी
वीरगन्ज आर्दशनगर मेनरोडस्थित सिद्धार्थ बैङ्कमा सोमबार आगलागी भएको छ । करिब साढे ४ बजेदेखि लागेको आगलागी साँझ ६ बजे नियन्त्रणमा आएको जिल्ला प्रहरी कार्यालयका प्रहरी उपरीक्षक कुमोद ढुङ्गेलले बताउनुभयो।
‘युवा पलायन रोक्न उद्यमशीलताको विकास आवश्यक छ’
उद्योग, वाणिज्य तथा आपूर्तिमन्त्री दामोदर भण्डारीले युवा पलायन रोक्न उद्यमशीलताको विकास आवश्यक रहेको बताउनुभएको छ ।
भ्रमण भिसा र व्यक्तिगत श्रम स्वीकृतिमा वैदेशिक रोजगारीमा पठाउने प्रक्रिया रोक्न मन्त्री अर्यालको आग्रह
श्रम, रोजगार तथा सामाजिक सुरक्षामन्त्री डोलप्रसाद अर्यालले भ्रमण भिसा र व्यक्तिगत श्रम स्वीकृतिमा वैदेशिक रोजगारीमा पठाउने प्रक्रिया रोक्न आग्रह गर्नुभएको छ ।
जोशीलाई ‘कौसी क्वीन’ उपाधि
कौसीखेतीलाई प्रोत्साहन गर्ने उद्देश्यले काठमाडौँमा कौसी क्वीन-२०८१ सम्पन्न भएको छ । चौथो संस्करणको कौसी क्वीनको उपाधि अन्जना जोशीले पाउनुभएको छ ।
