जानु पाण्डे
कपिलवस्तु फागुन १६ गते । कपिलवस्तुको बुद्धभूमि नगरपालिका ४ झडुलामाई मोडमा भएको सवारी दुर्घटनाका एकजनाको मृत्यु भएको छ । बुधवार साँझ लु ३ च ४३८३ नम्बरको पिक अप र लु १३ प १८१९ नम्बरको मोटरसाइकल एक आपसमा जुधेका थिए ।
दुर्घटना गम्भीर घाइते भएका सोही वडा हनुमान चोक बस्ने मोटरसाइल चालक शीतल कोहारको मृत्यु भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक अनीश भण्डारीले बताउनु भयो । घाइते मोटरसाइकल चालकलाई उपचारका लागि कपिलवस्तु अस्पताल तौलिहवा पुराइएको थियाे तर चिकित्सकले मृत घाेषणा गरेका थिए ।
