.JPG)
काठमाडौं, फागुन १३ गते । युनाइटेड स्टेट्स इन्डो प्यासिफिक कमाण्डरका एड्मिरल जोन सी एक्विलिनोले वीरेन्द्र शान्ति कार्य तालिम केन्द्र पाँचखालमा सञ्चालन भइरहेको बहुराष्ट्रिय अध्यास शान्ति प्रयास–४ को अवलोकन गर्नुभएको छ । उहाँलाई आइतबार अभ्यास सञ्चालन सम्बन्धमा जानकारी गराइएको थियो ।
यस अवसरमा कमाण्डर एक्विलिनोले अभ्याससँग सम्बन्धित सैद्धान्तिक र व्यवहारिक गतिविधिहरूको अवलोकन तथा सहभागीहरूसँग अन्तरक्रिया गर्नुभएको थियो ।
उहाँले अभ्यास शान्ति प्रयास-४ को सफल आयोजनाले संयुक्त राष्ट्रसङ्घीय शान्ति स्थापना मिसनहरूमा सहभागी हुने फौजको पेसागत दक्षता र आपसी समन्वयात्मक क्षमतामा अभिवृद्धि गराउने कुरा व्यक्त गर्नुभयो ।
उहाँले नेपाली सेनासँग यस किसिमको बहुराष्ट्रिय अभ्यासमा सहकार्य गर्न पाउँदा खुसी लागेको कुरा व्यक्त गर्दै अभ्यासमा सहभागी सबैलाई आभार प्रकट गर्नुभयो ।
भ्रमण क्रममा बलाधिकृत रथी अशोक राज सिग्देल उपस्थिति हुनुहुन्थ्यो । यस्तै, रथीवृन्द, अधिकृतका साथै अभ्यासमा सहभागीहरूको उपस्थिति थियो ।
हिजो (शनिबार) नेपाल भ्रमणका लागि आउनुभएका कमाण्डर एक्विलिनोलाई त्रिभुवन अन्तर्राष्ट्रिय विमानस्थलमा बलाधिकृत रथी सिग्देलले स्वागत गर्नुभएको थियो ।
