हिमपातले अवरुद्ध हवाइ सेवा सञ्चालन

राजन रावत

हुम्ला, फागुन ११ गते। हिमाली जिल्ला हुम्लामा अवरुद्ध भएको चौथो दिनमा हवाई सेवा सुचारु भएको छ। शुक्रबार हिमपात रोकिनु र विमानस्थलको रन वेमा जमेको हिउँ पग्लिएपछि १२ बजे उडान भएको हो। 

सिमकोट विमानस्थलका एयर ट्राफिक कन्ट्रोलर निसान झाले हिमपातको कारण अवरुद्ध भएको चौंथो दिनमा हवाई सेवा सञ्चालनमा आएको बताउनुभयो। गत सोमबार रातिबाट भइरहेको हिमपातको कारण हुम्ला जिल्लाको हवाई सेवा त्यसयता अवरुद्ध हुँदै आएको थियो। 

उहाँले शुक्रबार बिहानैबाट हिमपात रोकिनु र विमानस्थमा जमेको हिउँ पग्लिएको कारण हवाई सेवा सुचारु भएको बताउनुभयो। सीता एयरले नेपालगञ्जबाट हिउँसो पौने बाह्र बजे यात्रु उडान भएको हो। हवाई सेवा सुचारु भएपछि दुवै तिरका हवाई यात्रुलाई सहज भएको छ।