मृत अवस्थामा फेला

अनिल पराजुली
हेटौँडा, पुस २३ गते । मकवानपुरको बागमती गाउँपालिका वडा नं. ४ मा सोमबार बिहान एक पुरुष मृत अवस्थामा फेला परेका छन् । बागमती–४ झुरझुरेका ३५ वर्षीय गोपाल थिङ मृत अवस्थामा फेला परेको प्रदेश प्रहरी कार्यालय हेटौँडाले जनाएको छ ।

बागमती खोलामा माछा मार्न जान्छु भनी २२ गते साँझ घरबाट निस्केका थिङ मृत अवस्थामा फेला हुन् । आफन्तहरुले खोजतलास गर्दै जाने क्रममा सोमबार बिहान २ः१५ बजेको समयमा बागमती खोलामा मृत अवस्थामा फेला परेका थिए ।

त्यस्तै मकवानपुरको हेटौँडा उपमहानगरपालिका वडा नं.९ धापमा रहेको मानवसेवा आश्रमको मुख्यालयमा आश्रित एक जनाको आइतबार बिहान मृत्यु भएको छ । मृत्यु हुनेमा ४५ वर्षीय कनैयालाल गुप्ता रहेको जिल्ला प्रहरी कार्यालय मकवानपुरले जानकारी दिएको छ ।

२०८० साउन १५ गते हेटौँडा उपमहानगरपालिका वडा नं.१० को सडकमा बेवारिसे अवस्थामा हिँडिरहेको अवस्थामा गुप्ताको उद्धार गरी मानवसेवा आश्रममा ल्याइएको थियो । उहाँको मृत्युकाे कारण खुलेको छैन । आश्रमले भने उहाँको कालगतिका कारण मृत्यु भएको जानकारी दिएको प्रहरीले जनाएको छ । आश्रममा आश्रित दुई जनाको यसअघि मृत्यु भएको थियो ।