चाँदनी आचार्य
घोडाघोडी(कैलाली), मङ्सिर १५ गते । कैलालीको घोडाघोडी नगरपालिकाले प्रथम मुख्यमन्त्री पालिका स्तरीय फुटबल प्रतियोगितामा खेलाडी छनौट गरी पठाएको छ । नगरपालिकाले शुक्रबार खेलाडी समूहलाई विजयको शुभकामना सहित प्रतियोगिताका लागि बिदाइ गरेको हो ।
बर्दगोरिया गाउँपालिका वडा नम्बर ४ को खेल मैदान मुढामा बर्दगोरिया स्पोर्टस एण्ड ईभेन्टस प्रा.लिले आयोजनामा प्रथम मुख्यमन्त्री पालिका स्तरीय कैलाली जिल्ला व्यापी फुटबल प्रतियोगिता भइरहेको छ । मङ्सिर १३ गते बाट सञ्चालन भइरहेको प्रतियोगितामा भाग लिन नगरपालिकाले २० जना खेलाडीलाई पठाएको छ ।
शिक्षा युवा तथा खेलकुद शाखाका अधिकृत उमेशराज रेग्मीले खेलाडी र अफिसियललाई खादा र टिका लगाएर बिदाइ गर्नुभएको हो । नगरपालिकाले खेलाडीहरूलाई सीमित स्रोत साधनमाबिच सहयोग तथा प्रोत्साहन गरिरहेको जनाइएको छ ।
