काठमाडौं, मङ्सिर १ गते । फ्लाई दुबई एयरलाइन्सले काबुलका लागि उडान सुचारु गरेको छ । फ्लाई दुबई एयरलाइन्सले बुधबार दुबई र अफगानिस्तानको राजधानी काबुलबीचको उडान पुनः सुरु गरेको अफगानिस्तानको सरकारी रेडियो टेलिभिजन (आरटीए) ले जनाएको छ ।
निजी टिभी च्यानल टोलोन्युजले युएईको अर्को एयरलाइन्स एयर अरेबियाले चाँडै काबुलका लागि उडान सुरु गर्ने जनाएको छ ।
सन् २०२१ को अगस्टको अन्त्यमा अफगानिस्तानबाट अमेरिकी नेतृत्वको गठबन्धन सेना फिर्ता भएदेखि लगभग सबै अन्तर्राष्ट्रिय एयरलाइन्सहरूले युद्धग्रस्त देशमा उडानहरू स्थगित गरेका छन् । सिन्ह्वा/न्यूज एजेन्सी नेपाल
