हरिकृष्ण ऐडी
मुगु, कात्तिक २८ गते । मुगुको छायाँनाथ रारा नगरपालिका –१० जिउँला गाउँमा आगलागी हुँदा एक घर जलेर नष्ट भएको छ । दुई घरमा आंशिक क्षति भएको छ ।
मङ्गलबार साँझ ३ बजेतिर आगलागी हुँदा लक्ष्मी विकको घर पूर्णरुपमा जलेर नष्ट भएको हो । आगलागी हुँदा लक्ष्मीका छिमेकी दुई जनाको घरमा पनि आगो सल्किदा आंशिक क्षति भएको छायाँनाथ रारा नगरपालिका वडा १० का वडाअध्यक्ष हस्तबहादुर बुढाले बताउनुभयो ।
उहाँका अनुसार जिल्ला प्रहरी कार्यालय गमगढीलाई आगो नियन्त्रणका लागि जानकारी गराइएको बताउनुभयो । लक्ष्मीको घरभित्र रहेका लत्ताकपडा, कोदो, चामल, खानेकुरा, बालबालिकाका किताब त्यसैगरी नगद रुपियाँ र गरगहना जलेर नष्ट भएको वडाध्यक्षले जानकारी दिनुभयो ।
सो घरमा लागेको आगो अहिले नियन्त्रणमा आइसकेको स्थानीय प्रेम विकले बताउनुभयो ।
