धीरेन्द्रप्रसाद साह
जनकपुरधाम, असोज १७ गते । मधेश प्रदेशको कार्यवाहक मुख्यमन्त्रीमा मधेश प्रदेश सरकारका भौतिक पूर्वाधार विकासमन्त्री कृष्णप्रसाद यादवलाई जिम्मेवारी तोकिएको छ ।
मधेश प्रदेशका मुख्यमन्त्री सरोजकुमार यादवले बुधबार उहाँलाई सो जिम्मेवारी तोक्नुभएको हो । काम विशेषले प्रदेश बाहिर हुने भएकाले उहाँलाई कार्यवाहक जिम्मेवारी तोक्नुभएको हो ।
उहाँलाई मधेश प्रदेश सरकार (कार्य सम्पादन) नियमावली, २०८० को नियम १४ को उपनियम (३) बमोजिम कार्यवाहक मुख्यमन्त्री तोकेको पत्रमा उल्लेख गरिएको छ ।
