गुणबहादुर रोका
सुलीकोट, असोज ३ गते । गोरखामा गोरखा दरौदी यातायातको यात्रुवाहक बस एक आपसमा ठोक्किएको छ । भीमसेन थापा गाउँपालिका–५ को बगुवामा बुधबार बिहान १० बजे ना ५ ख ५०२८ र ना ५ ख २६२७ नम्बरको यात्रुवाहक बस एक आपसमा ठोक्किएको हो ।
गोरखा सदरमुकामबाट आरुघाटतर्फ जाँदै गरेको बस र आरुघाटबाट गोरखा सदरमुकामतर्फ आउँदै गरेको यात्रुवाहक बस एक आपसमा ठोक्किएको जिल्ला प्रहरी कार्यालय गोरखाका सूचना अधिकारी डिएसपी रमेश कुमार श्रेष्ठले जानकारी दिनुभयो ।
बसमा सबार केही यात्रु घाइते भएको जिल्ला प्रहरी कार्यालय गोरखाले जनाएको छ ।
