प्रेमराज सिम्खडा
कालीकोट, साउन १ गते । कर्णाली करिडोरको जाजरकोट सडक खण्डमा मालवाहक ट्क दुर्घटना भएको छ । कर्णाली करिडोर अन्तर्गत पर्ने पचालझरना गाउँपालिका –६ को कट्टेखोलामा सो ट्रक आज दुर्घटनामा परेको हो ।
हुम्लाबाट सुर्खेततर्फ जाँदैगरेको भे १ ख ३०१३ नम्वरको ट्रक दुर्घटना हुँदा पाँच जना घाइतेभएको प्रहरीले जनाएको छ । दुर्घटनामा परेर सहचालकसहित पाँच जना घाइते भएको प्रहरीको भनाइ छ ।
गाडीचालक दैलेख ठाटीकाँध –१ का मिनवहादुर तिरुवा सकुसल छन् । पचालझरना गाउँपालिका –६ का स्थानीय गौरीप्रसाद संज्यालकाअनुसार चालक सकुसल रहेका छन् । सहचालक दैलेख दुल्लु नगरपालिका –१ का कबि पोख्रेल र पचालझरना गाउँपालिका –६ का गणेशदत्त संज्याल, मेगराज संज्याल, आनन्द संज्याल र कुशराज संज्याल घाइते हुनुभएको छ ।
नेकपा (माओवादी केन्द्र) पचालझरना गाउँपालिकाका अध्यक्ष समेत रहनुभएका संज्यालले घाइते सबै आफ्नो छिमेकी रहेको बताउनुभयो । ओरालो सडकमा ट्रक हुत्तिएर दुर्घटना भएको बताउनुभयो । घाइतेहरुको पलाँता अस्पतालमा उपचार भइरहेको छ । घाइतेको अवस्था खतरामुक्त रहेको प्रहरीले जनाएको छ ।
