मनग्य होस् आम्दानी
मनासिब रहोस् खर्च
जीवनरूपी रथलाई
निरन्तर चलाउनुपर्छ ।
मै खाऊँ मै लाऊँ मात्र नभई
अरूलाई पनि बाँड्नुपर्छ
वसुधैव कुटुम्बकम् भन्दै
मूलमन्त्रलाई जप्नुपर्छ ।
कहिले खुम्चिनुपर्छ
कहिले तन्किनुपर्छ
रबर जस्तै रहेछ जीवन
समय अनुकूल बन्नुपर्छ ।
नमात्तिनु भन्छन् सुखमा
जे जस्तो आइपर्छ
नआत्तिनु भन्छन् दुःखमा
त्यो पनि त बेहोर्नु पर्छ ।
समस्याबाट नै समाधान
व्रmमशः पहिल्याउनुपर्छ
विकल्पको छनोट गरी
आफैँले सुल्झाउनुपर्छ ।
