कहिले आमा, कहिले छोरी, कहिले, साली बन्नुपर्छ
सधैँभरि कायर हैन हिम्मतवाली बन्नुपर्छ ।
बलात्कारी, यौवनपिपाशु राक्षसहरूको संहार गर्न
नारी अब शक्तिरूपी दुर्गा अनी महाकाली बन्नुपर्छ ।
जनता देश विकासमा अघि सरेका छन्
राष्ट्रियता जोगाउनलाई कति मरेका छन् ।
जनताका सपनालाई पूरा गरिदेऊ छिटो
वीर हाम्रा गोर्खालीले योगदान गरेका छन् ।
जिउनु पर्छ जिन्दगीलाई हरेस नखाई नखाई
कहाँ हुन्छ सफल जीवन दुःख नपाई नपाई ।
लक्ष्य बनाई उद्देश्यको सिँढी चढ्नु पर्छ
लक्ष्य चुम्न सक्नुपर्छ सधैँ रमाई रमाई ।।
