मधेशका मुख्यमन्त्रीलाई सहयोग गर्न जसपाले बनायो परामर्श समिति

काठमाडौं, फागुन १० गते। जनता समाजवादी पार्टी (जसपा) नेपालले मधेश प्रदेश सरकारका मुख्यमन्त्री रोजकुमार यादवलाई पार्टीको तर्फबाट आवश्यक सल्लाह, सुझाव र सहयोग गर्न पार्टीका कार्यकारिणी समिति सदस्य लालबाबु राउतको संयोजकत्वमा परामर्श समिति गठन गरेको छ। 

समितिको सदस्यमा गोविन्द चौधरी, दीपक कार्की, लालकिशोर साह हुनुहुन्छ। मुख्यमन्त्री सरोजकुमार यादवले समितिको सचिव भएर काम गर्नु हुनेछ।

समितिले पार्टीको निर्देशन अनुसार मुख्यमन्त्रीलाई समय समयमा आवश्यक सल्लाह सुझाव र सहयोग गर्नुका साथै पार्टी र सरकारबीचको समन्वय गर्ने कार्य गर्नेछ। 

केन्द्रीय कार्यकारिणी समितिको बैठकले गरेका निर्णय कार्यान्वयनका लागि जसपाले मातहत समितिलाई बुधबार परिपत्र गरेको छ।