अमरराज नहर्की
तनहुँ, माघ २८ गते । बसको ठक्करबाट एक युवकको मृत्यु भएको छ । शनिबार पृथ्वीराजमार्ग अन्तर्गत आँबुखैरेनी गाउँपालिका–३ गाउँपालिकाचोक, आँबुखैरैनी बजारमा ठक्कर दिँदा सोही ठाउँ बस्ने ४० वर्षीय मीनबहादुर विकको मृत्यु भएको हो ।
जिल्ला प्रहरी कार्यालय तनहुँका प्रहरी निरीक्षक भानु शर्माले डुम्रेबाट आबुखैरेनी जाँदै गरेको ग १ ख ६३०७ नं. को बसले ठक्कर दिँदा विकको मृत्यु भएको बताउनुभयो ।
शनिबार बिहान पैदल हिँडिरहनुभएका विकलाई बसले ठक्कर दिँदा गम्भीर घाइते हुनुभएको थियो ।
विकको उपचारको क्रममा चितवनस्थित चितवन मेडिकल कलेजमा मृत्यु भएको हो । घटनापछि बस र चालकलाई नियन्त्रणमा लिई थप अनुसन्धान भइरहेको प्रहरी निरीक्षक शर्माले बताउनुभयो ।
