नेत्र शाही
जुम्ला, माघ २ गते । जुम्लामा जीप दुर्घटना हुँदा एक जनाको घटनास्थलमै मृत्यु भएको छ । पातारासी गाउँपालिका–६ कोटभिरमा सदरमुकामबाट पातारासीको लासी जाँदै गरेको जीप दुर्घटना भएको हो ।
जिल्ला प्रहरी कार्यालयका निमित्त प्रमुख एवम् प्रहरी नायब निरीक्षक यमबहादुर बुढाले ग १ ज ४०३५ नम्बकरको जीप दुर्घटना हुँदा एक जनाको घटनास्थलमा मृत्यु भएको जानकारी दिनुभयो ।
मृत्यु हुनेमा पातारासी गाउँपािलका–१ निवासी अन्दाजी ४२ वर्षीय छोदेन लामा हुनुहुन्छ । दुर्घटनास्थलमा प्रहरी पु्गिसकेको र विस्तृत विवरण आउँन बाँकी रहेको प्रहरीले जनाएको छ ।
जीप दुर्घटनामा घाइते भएका यात्रुलाई कर्णाली स्वास्थ्य विज्ञान प्रतिष्ठान शिक्षण अस्पतालमा पठाइएको छ ।
