नवीन सुवेदी
सुर्खेत, पुस २५ गते । पूर्वी सुर्खेतको सिम्ता गाउँपालिकामा जिप दुर्घटना हुँदा एक जनाको घटनास्थलमै मृत्यु भएको छ भने चार जना घाइते हुनुभएको छ । कर्णाली प्रदेश ०२००१ च ०६०५ नम्बरको उक्त बोलेरो जिप सिम्ता गाउँपालिका–९ को मुङ्ग्रे भन्ने ठाउँमा दुर्घटना भएको हो ।
आइतबार साँझ भएको जिप दुर्घटनामा मृत्यु हुनेमा सिम्ता गाउँपालिका– ९ की ३५ वर्षीय रमा चन्द रहेको प्रहरीले जनाएको छ । यस्तै घाइते हुनेमा सोही स्थानकी ५० वर्षीया भीमसरा सुनार र उनकी ८ वर्षीय छोरी आशा सुनार, ४० वर्षीय माया रोकाय र ३० वर्षीय गङ्गा खड्का पनि घाइते भएको सुर्खेत प्रहरीले जनाएको छ ।
जिप चालक फरार रहेकाले खोजी कार्य भइरहेको छ ।
