भालुबाङ–चकचके सडक दैनिक ६ घण्टा बन्द हुने

सलिम अन्सारी

बिजुवार, पुस २१ गते । दाङको भालुबाङ–प्युठान सडक खण्डमा पर्ने भालुबाङ चकचके सडक  दैनिक ६ घण्टा बन्द हुने भएको छ । सडक बिस्तारका लागि पुस २८ गते बिहान ११ बजेदेखि साँझ ५ बजेसम्म पूर्णरुपमा बाटो बन्द हुने डिभिजन सडक कार्यालय, प्युठानका प्रमुख बिरेन्द्रबहादुर चन्दले जानकारी दिनुभयो ।

सरुमारानि गाउँपालिकाको बड्डाडादेखि चकचके सडकखण्डमा बाटो बिस्तार गर्नुपर्ने भएकाले अर्को सूचना जारी नहुँदासम्मका लागि दैनिक सडक बन्द गर्नुपरेको जनाइएको छ ।