काठमाडौं, मङ्सिर ६ गते । ललितपुर क्षेत्र नम्बर ३ मा राष्ट्रिय स्वतन्त्र पार्टीकी उम्मेदवार डा. तोसिमा कार्कीले अग्रता कायम राख्नुभएको छ ।
आइतबार सम्पन्न प्रतिनिधिसभा तथा प्रदेशसभा सदस्य निर्वाचनको मतगणनामा उहाँले दुई हजार ७६० मत अन्तरले अग्रता लिनुभएको हो ।
मङ्गलबार अपराह्न ३ः१५ सम्म २२ हजार छ मतगणना हुँदा डा. कार्कीले नौ हजार ४०३ मत पाउनुभएको छ । नेकपा (एमाले)का उम्मेदवार अमृत खड्काले छ हजार ६४३ मत पाउनुभएको छ भने नेकपा (माओवादी केन्द्र)की उम्मेदवार पम्फा भुसालले तीन हजार ७५० मत पाउनुभएको छ ।
