पाँच वटा बस्ती युक्रेनी सेनाको कब्जामा

किएभ, असोज २६ गते । युक्रेनी सेनाले दक्षिणी खेरसन क्षेत्रमा पाँच वटा बस्ती पुनः कब्जा गरेको  दक्षिणी अपरेशनल कमाण्डका प्रवक्ताले बताएका छन् ।

दक्षिणी कमाण्डका प्रवक्ता भ्लादिस्लाभ नाजारोभका अनुसार बेरिस्लाभ जिल्लाको नोभोवासिलिभका, नोभोरीहोरिभका, नोभा कामियान्का, ट्राइफोनिभका र चेर्भोन गाउँ मङ्गलबार  पुनः कब्जामा लिइएको हो । ती बस्ती भर्खरै रूसद्वारा गाभिएका चार क्षेत्र मध्येको एउटा हो ।

यसैबीच, रुसको आन्तरिक सुरक्षा निकायले बुधबार रूसलाई क्रिमियासँग जोड्ने मुख्य पुलमा भएको बम विष्फोटमा संलग्न भएको आरोपमा आठ जनालाई गिरफ्तार गरेको बताएको छ भने दक्षिणी युक्रेनी सहर जापोरिझियाका एक अधिकारीले रुसी सेनाले त्यहाँ थप आक्रमण गरेको बताएका छन् ।

रुसी संक्षिप्त नाम एफएसबीद्वारा चिनिने सङ्घीय सुरक्षा सेवाले शनिबारको आक्रमणमा पाँच जना रुसी र युक्रेनी तथा आर्मेनियाका तीन नागरिकलाई गिरफ्तार गरेको बताएको छ । आक्रमणबाट रुस र क्रिमियाली प्रायद्वीपबीचको केर्च पुलमा क्षति भएको थियो । विस्फोटक पदार्थले भरिएको ट्रक पुल पार गर्ने क्रममा विष्फोट हुँदा चार जनाको ज्यान गएको थियो । रासस/एपी