युक्रेन, असोज २५ गते । संयुक्त राज्य अमेरिका र अन्य जी७ शक्तिहरूले युक्रेनमा रूसले भर्खरै गरेको बमविष्फोटको बारेमा मङ्गलबार सङ्कट वार्ता गर्ने भएका छन् । बेलायती प्रधानमन्त्री लिज ट्रसले युक्रेनको समर्थनमा डगमगाउनु नहुने बताउनु भएको छ ।
युक्रेनका राष्ट्रपति भोलोडिमिर जेलेन्स्कीले मस्कोलाई आफ्नो देश हुन सक्दैन भनी चेतावनी दिएपछि यस महिनामा पहिलो पटक रुसी क्षेप्यास्त्रहरूले युक्रेनको राजधानीमा आक्रमण गरेको एक दिनपछि बैठक भएको जनाइएको छ ।
रुसी सेनाले सोमबार युक्रेनका सहरहरूमा ८० भन्दा बढी क्षेप्यास्त्र प्रहार गरेका किभले जानकारी दिएको छ । युक्रेनले क्रिमियन प्रायद्वीपलाई रूससँग जोड्ने प्रमुख पुललाई बम विस्फोट गराएर क्षति पुर्याएरपछि यस बदला स्वरूप ८० भन्दा बढी क्षेप्यास्त्र प्रहार गरेको जनाइएको छ ।
युक्रेनी विदेशमन्त्री दिमित्रो कुलेबाले आक्रमणले मस्कोलाई लज्जित पार्ने सैन्य असफलताहरू पछि “हताश“ देखाएको बताउनु भएको छ । रुसी राष्ट्रपति भ्लादिमिर पुटिनले अर्को कुनै पनि आक्रमणमा गम्भीर प्रतिक्रिया दिने चेतावनी दिनु भएको छ ।
सोमबार संयुक्त राष्ट्र सङ्घको महासभाको आकस्मिक बैठकमा–मस्कोले चार आंशिक रूपमा कब्जा गरेको युक्रेनी क्षेत्रहरूलाई विलय गर्ने घोषणा गरेको बहस गर्न बोलाइएको बताइएको छ ।
युक्रेनी राजदूत सेर्गी किस्लियसले रुसलाई ‘आतङ्कवादी राज्य’ को संज्ञा दिनु भएको छ । उहाँले आफ्नै परिवारमाथि हमला भएको सोमबार टिप्पणी गर्नुभएको छ ।
“दुर्भाग्यवश, तपाईँको वरपर अस्थिर र पागल तानाशाही रहुन्जेल तपाईँले स्थिर र विवेकी शान्तिको लागि आह्वान गर्न सक्नुहुन्न,“ उहाँले भन्नुभएको छ । रासस/सिन्ह्वा
-original-thumb.jpg)
