ब्रसेल्स (बेल्जियम), चैत २८ गते । इजरायलले कब्जा गरेको वेस्ट ब्याङ्क क्षेत्रमा ३० भन्दा बढी नयाँ बस्ती स्थापना गर्ने पछिल्लो इजरायली निर्णयको युरोपियन युनियनले कडा निन्दा गरेको छ । विज्ञप्ति जारी गर्दै इयुले इजरायलको विस्तारले अन्तर्राष्ट्रिय कानुनको उल्लङ्घन र दुई-राज्य विचको लामो समयदेखिको सौभार्दपूर्ण सम्बन्धमा खतरा उत्पन्न भएको बताएको छ ।
युरोपेली युनियनले पूर्वी जेरुसेलमसहित वेस्ट ब्याङ्कमा आफ्नो कब्जा विस्तार गर्ने इजरायली कदमको निन्दा गरेको छ भने अन्तर्राष्ट्रिय अदालतको गैरकानुनी घोषणा गरेको छ । इयुले इजरायललाई यी निर्णयहरू उल्टाइ अन्तर्राष्ट्रिय कानुन अनुसार आफ्नो दायित्वको पालना गर्न र कब्जा गरिएका क्षेत्रका प्यालेस्टिनीको रक्षा गर्न आग्रह गर्नुभएको छ ।
यसैबिच युरोपियन युनियनले प्यालेस्टिनी नागरिक विरुद्धको गरिएको हिंसाको निन्दा गर्दै संयुक्त राष्ट्र सुरक्षा परिषद्का प्रस्ताव अनुसार दुई–राज्य इजरायल र प्यालेस्टाइन, न्यायपूर्ण र स्थायी शान्ति हित आफ्नो सीमाभित्र शान्तिको साथ बस्न पाउनुपर्ने बताएको छ । इस्लामिक सहयोग सङ्गठन (ओआइसी) ले पनि शुक्रबार इजरायली कब्जामा रहेको वेस्ट ब्याङ्कमा ३४ वटा नयाँ बस्तीको स्वीकृतिको निन्दा गर्दै यो निर्णयले अन्तर्राष्ट्रिय कानुनको उल्लङ्घन गरेको बताएको छ ।
इजरायली सरकारले अप्रिलको सुरुमा “गोप्य रूपमा” गरेको यो निर्णयले अन्तर्राष्ट्रिय कानुनको स्पष्ट उल्लङ्घन भएको प्यालेस्टिन सरकारले जनाएको छ । अल जजिराका अनुसार इजरायली सरकारबाट हाल सम्म यस विषयमा कुनै टिप्पणी आएको छैन । गत बिहीबार स्वीकृत भएका बस्तीसहित सन् २०२२ मा इजरायली प्रधानमन्त्री बेन्जामिन नेतान्याहुको सरकार सत्तामा आएपछि स्वीकृत भएका ६८ वटा भन्दा माथि भएको अल जजिराले जनाएको छ । रासस/एएनआई
