.jpg)
शेरबहादुर सार्की
बाजुरा, माघ ६ गते । बाजुरामा आठ जनाको उम्मेदवारी दर्ता भएको छ । आगामी फागुन २१ गते हुने प्रतिनिधि सभा सदस्य पदको निर्वाचनका लागि यहाँ आठ जनाको उम्मेदवारी दर्ता गरेका छन् ।
निर्वाचन क्षेत्र नम्बर १ मात्र रहेको बाजुरामा प्रतिनिधि सभा सदस्यका पदका लागि नेपाली कांग्रेस पार्टीबाट जनकराज गिरी, नेपाल कम्युनिष्ट पार्टी एमालेबाट लालबहादुर थापा, नेपाल कम्युनिष्ट पार्टीबाट प्रकाशबहादुर शाह, राष्ट्रिय स्वतन्त्र पार्टीबाट हेमराज थापा, राप्रपाबाट केशरबहादुर शाही, नेकपा (माओवादी केन्द्र) बाट भूपेन्द्र सी, प्रगतिशील लोकतान्त्रिक पार्टी (प्रलोपा) बाट दीपक डिसी र स्वतन्त्रतर्फबाट उपेन्द्र शाही गरी आठ जनाले उम्मेदारी दर्ता गरेको मुख्य निर्वाचन अधिकृत सञ्जीव पोखरेलले बताउनुभयो ।
बाजुरामा ८७ हजार ८६१ मतदाता छन् । जम्मा पुरुष ४५ हजार ४२८ महिला ४२ हजार ४३१ र अन्य दुई गरी ८७ हजार ८६१ जना मतदाता छन् । निर्वाचनका लागि बाजुरामा ७७ स्टल ११८ केन्द्र छन् ।
-square-thumb.jpg)
-original-thumb.jpg)
