न्युयोर्क, पुस १७ गते । विश्वभरका मानिसले एक अस्थिर वर्षलाई बिदाई दिँदै बिहीबार सन् २०२६ को सुरुआत उत्साह र आतशबाजीका साथ मनाएका छन् । सन् २०२५ मा अमेरिकी राष्ट्रपति डोनाल्ड ट्रम्पले विश्वव्यापी व्यापार प्रवर्धन गर्नुभयो, युक्रेनमा क्रूर द्वन्द्व भड्कियो र तापमान बढ्दै गयो ।
विनाशकारी गाजामा नाजुक युद्धविराम भए पनि सुडानमा हिंसा निरन्तर रह्यो । भ्याटिकनमा नयाँ अमेरिकी पोपको स्थापना भयो, विश्वले अग्रगामी प्राणीशास्त्री जेन गुडअललाई गुमायो र लाबुबु पुतलीले विश्वव्यापी चिन्ता र उत्सुकता सिर्जना गर्याे । सिड्नीमा मध्यरातको आतशबाजी अघि बोन्डी बिचमा सामूहिक गोलीबारीका पीडितको सम्झनामा एक मिनेट मौन धारण गरियो ।
३० वर्षको सबैभन्दा घातक सामूहिक गोलीबारीपछि तटरेखामा भारी सुरक्षा व्यवस्था गरियो र सिड्नी हार्बर ब्रिजलाई शान्तिको प्रतीकका रूपमा सेतो प्रकाशमा नुहाइएको थियो । प्रशान्तका राष्ट्र, सियोल र टोकियोले सिड्नीको उत्सवलाई प्रत्यक्ष र अनलाइन मार्फत मनाए । हङकङमा नोभेम्बरको आगलागीमा मारिएका १६१ जनाको सम्मानमा मुख्य आतशबाजी रद्द गरिएको थियो ।
युक्रेनी राष्ट्रपति भोलोदिमर जेलेन्स्कीले रुससँगको लडाइँ अन्त्य गर्ने सम्झौताबाट अझै १० प्रतिशत टाढा रहेको बताउनुभयो । रुसका राष्ट्रपति भ्लादिमिर पुटिनले नयाँ वर्षको सम्बोधनमार्फत देशवासीलाई दोस्रो विश्वयुद्धपछिको युरोपको सबैभन्दा घातक द्वन्द्वमा विजय दिलाउने विश्वास व्यक्त गर्नु भयो ।
युक्रेनी सहर विश्गोरोडमा ब्युटी सलुनकी प्रबन्धक डारिया लुस्चिकले युद्धले उहाँको कामलाई कठिन बनाएको तर ग्राहक अझै पनि आइरहेको बताउनु भयो । “हाम्रा केटी भित्र आउन र आफूलाई ग्लैम बनाउनबाट कुनै पनि कुराले रोक्न सक्दैन”, उहाँले भन्नुभयो । सन् २०२५ ले धेरैका लागि तनाव र उत्साह ल्यायो । पप स्टार टेलर स्विफ्टले अमेरिकी फुटबल खेलाडी प्रेमी ट्राभिस केल्ससँग सगाई गर्नुभयो र के–पप समूह बिटिएसले लामो प्रतीक्षा पछि पुनरागमन गर्नु भयो ।
ट्रम्प जनवरीमा राष्ट्रपति बन्नुभयो, कर वृद्धि सुरु गर्नुभयो जसले विश्वव्यापी व्यापार र शेयर बजारलाई असर गर्याे। उहाँले इजरायलका प्रधानमन्त्री बेन्जामिन नेतान्याहुसँग पाँच बैठक गर्नु भयो र मार-ए-लागोमा भव्य समारोहमा आतिथ्य दिनु भयो । अक्टोबरमा ट्रम्पको दबाबमा इजरायल र हमासबिच नाजुक युद्धविराम भयो ।
सिरियामा आन्तरिक चुनौती हुँदाहुँदै पनि जनता आशावादी देखिए । दमास्कसका बासिन्दाले बशर अल-असदको पतनपछि नयाँ वर्ष मनाए । मार्केटिङ प्रबन्धक सहर अल-सइदले भन्नुभयो, “जनता खुसी छन्, सबै एकजुट छन् र भगवानले चाहे यो वर्ष राम्रो हुने छ ।” दुबईको बुर्ज खलिफामा भव्य आतशबाजी र लेजर प्रदर्शनका लागि हजारौँ दर्शक लाइनमा उभिए । रियो डी जेनेरियोको कोपाकाबाना समुद्र तटमा २५ लाखभन्दा बढी मानिस सहभागी भए ।
अमेरिका, बुल्गेरिया र एडिनबर्गका सहरमा पनि उत्सव र मनोरञ्जन चल्यो । न्युयोर्कमा टाइम्स स्क्वायरमा परम्परागत बल ड्रपका लागि हजारौँ मानिस भेला भए । नजिकै सिटी हलमा जोहरान ममदानीले मुस्लिम मेयरका रूपमा शपथ लिनु भयो । आउँदो वर्ष खेलकुद, अन्तरिक्ष र एआईमा चुनौती र उत्साहका वर्षको रूपमा रहनु अपेक्षित छ ।
फेब्रुअरीमा इटालीमा शीतकालीन ओलम्पिक, मध्यवर्षमा अमेरिका, मेक्सिको र क्यानाडामा फुटबल विश्वकप र नासाले चन्द्रमामा १० दिनको परिक्रमा गर्ने योजना बनाइरहेको छ । वर्षौको उत्साहपछि एआईले बजारमा अनिश्चितता सिर्जना गरिरहेको छ । रासस/एएफपी
