तिम्रा सुनियोजित उतारचढावमा
मेरा निष्कलङ्क उत्साह नगुम्स्याऊ
भयभीत रासायनिक हतियारको युद्धमोर्चामा
खोइ कहाँ मिल्छ र !
समवेत भावनाको आत्मीयता
सुन्दर सपनाहरू बिच्किएका बेलामा,
तिम्रा चरम स्वेच्छाचारी दमनमा
मेरा निर्दोष विचार नखुम्च्याऊ
व्याप्त हिंसाको चव्रmव्यूहमा निसास्सिँदा
खोइ कहाँ झाँगिएला र !
सहनशीलताको सभ्यता
सेवादायी सम्बन्ध चुँडिएको बेलामा,
तिम्रा घृणित र साँघुरा प्रयोगशालामा
मेरा सुनौला आविष्कारहरू नभत्काऊ
विध्वंसको विकृत उन्मादमा घेरिँदा
खोइ कहाँ मुस्कुराउँछ र !
वसन्त बहारको मोह
मानवीय संवेदनाको मर्म लाछिएका बेलामा,
तिम्रा षड्यन्त्री÷छलछामका रापमा
मेरा उदार भावना, विचारका अनुष्ठानहरू नचर्काऊ
थिलथिलो व्यग्रताको ऐँठनमा पिल्सिँदा
खोइ कहाँ खोजिन्छ र !
सहअस्तित्व र संयमताको सम्बन्ध
स्वाधीनता र अधिकार कुण्ठित भएको बेलामा ।
