एनपिएल : विराटनगर टस जितेर बलिङमा

शनिबार एनपिएल क्रिकेट प्रतियोगिताको दोस्रो संस्करणमा काठमाडौँ गोर्खाज र विराटनगर किङ्ग्स भएको दोस्रो खेलमा ब्याटिङ गर्दै काठमाडौँ गोरखाजका खेलाडी ।तस्बिरः किरणराज विष्ट÷रासस

काठमाडौँ, मङ्सिर ६ गते ।काठमाडौँको कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा जारी दोस्रो संस्करणको नेपाल प्रिमियर लिग (एनपिएल) अन्तर्गत आजको दोस्रो खेलमा काठमाडौँ गोर्खाज र विराटनगर किङ्स भिड्दै छन् ।

विराटनगरले टस जितेर बलिङ रोजेको छ।करण केसीको कप्तानीमा काठमाडौँ गोर्खाज विराटनगरसँग खेल्न लागेको हो ।पहिलो खेलमा साविक विजेता जनकपुर बोल्ट्सलाई हराएको काठमाडौँ दोस्रो खेलमा सुदूरपश्चिम रोयल्ससँग हारेको थियो ।

सन्दीप लामिछानेको नेतृत्वमा रहेको विराटनगर लगातार दोस्रो जितको खोजीमा छ । विराटनगरले पहिलो खेलमा पोखरा एभेन्जर्समाथि शानदार जित निकालेको थियो ।

यसअघि आजै भएको पहिलो खेलमा कर्णाली याक्सले लुम्बिनी लायन्सलाई ९ विकेटले पराजित गरेको छ ।

गोरखापत्र अनलाइन