अविनाश चौधरी
धनगढी, मङ्सिर २ गते । सुदूरपश्चिम प्रदेशका मुख्यमन्त्री कमलबहादुर शाहले खेल क्षेत्रलाई प्रदेश सरकारले प्राथमिकताका साथ अगाडि बढाउने बताउनु भएको छ ।
कैलालीको बौनियाँमा मङ्गलबार फुटबल प्रतियोगिताको उद्घाटन गर्दै उहाँले खेलकुदको विकासका लागि स्पष्ट नीति तथा खाका तयार गरेर अगाडि बढ्ने उल्लेख गर्नुभयो ।
उहाँले नेपाललाई अन्तर्राष्ट्रिय स्तरमा चिनाउने माध्यम खेलकुद बनेको उल्लेख गर्नुभयो । खेल क्षेत्रको विकासका लागि तीनै तहका सरकारले पर्याप्त बजेट सुनिश्चित गर्नु पर्ने उहाँको भनाइ थियो ।
