हरिप्रसाद कोइराला
उर्लाबारी, कात्तिक १९ गते । सिराहाको सलहेश फुटबल क्लब पाँचथर क्लबलाई ४-१ गोलले हराउँदै दोस्रो इन्ट्रा पथरीशनिश्चरे गोल्डकपको फाइनलमा प्रवेश गरेको छ ।
मध्यान्तर सम्म गोल रहित बराबर रहेको खेलमा मध्यान्तर पछि सलहेशले लगातार गोल गरेको थियो । रोहन कार्कीले खेलको ६६ओैँ मिनेटमा टिमका लागि पहिलो गोल गर्नुभयो ।
७०ओैँ मिनेटमा पाँचथर क्लब अभिषेक लिम्बूले लगत्तै गोल गरेर खेललाई १-१ को बराबरीमा पुर्याउनु भयो । तर, ७२ओैँ मिनेटमा रोमन भुजेल र ७३ओैँ मिनेटमा रोहन कार्कीले सलहेशका लागि गोल गर्दै खेलमा ३-१ को फराकिलो अग्रता बनाउनुभयो ।
सलहेशका कोमल खवासले अतिरिक्त समयमा थप एक गोल गर्दै टिमको जितलाई अझ फराकिलो बनाउनुभयो । ४(१ गोलले विजयी भएको सलहेश फुटबल क्लबका रोहन कार्की आजको खेलमा म्यान अफ द म्याच घोषित हुनुभयो ।
उहाँलाई ५ हजार रुपियाँ सहित ट्रफी प्रदान गरियो । बिहीबार दोस्रो सेमिफाइनल खेल आयोजक पथरी ११ फुटबल क्लब र एनआरटी काठमाडौँबिच हुने छ ।
