काठमाडौँ, कात्तिक १८ गते। विद्यार्थीमा स्वच्छता र फोहर व्यवस्थापनबारे सचेतना बढाउने उद्देश्यले सिफलस्थित बाल व्यवसायी केन्द्र माध्यमिक विद्यालयमा सरसफाइ कार्यक्रमको आयोजना गरिएको छ।
एनटीटी डोकोमो बिजनेस इन्जिनियरिङ, जापानको मूल अवधारणामा आधारित रहेर क्लिन हिरो स्वच्छता अभियान अन्तर्गत सरसफाइ कार्यक्रमको आयोजना गरिएको हो। सरसफाइ कार्यक्रम आईजीसी बिजनेस होल्डिङ प्रालि र कलरबाथ जापानको सह–आयोजनामा तथा क्लिन अप नेपालको सहकार्यमा सम्पन्न गरिएको हो।
कार्यक्रममा जापानको एनटीटी डोकोमो बिजनेस इन्जिनियरिङ, क्लिन अप नेपाल, सोही विद्यालयका विद्यार्थी र आईजीसी बिजनेस होल्डिङ प्रालि तथा कलरबाथ जापानका स्वयंसेवकको सक्रिय सहभागिता रहेको थियो। उनीहरुले विद्यालय परिसर तथा आसपासका क्षेत्रको सरसफाइ गरेका थिए।
विद्यार्थीमा स्वच्छता, फोहर व्यवस्थापन र जिम्मेवार नागरिकताको भावना विकास गर्नु यस अभियानको मुख्य उद्देश्य रहेको आईजिसी बिज्नेस होल्डिङ्का कार्यकारी अध्यक्ष गणेशमान लामाले बताउनुभयो। उहाँका अनुसार विद्यार्थीको प्रत्यक्ष सहभागितामार्फत् सफाइ कार्यमा संलग्न गराई दीर्घकालीन रुपमा सकारात्मक व्यवहार तथा सामुदायिक जिम्मेवारीको भावना विकसित लक्ष्य अभियानको रहेको छ।
नेपालमा पहिलो क्लिन हिरो अभियान ठमेलमा ठमेल पर्यटन विकास परिषद्को सहकार्यमा सम्पन्न गरिएको थियो, जहाँ पर्यटकीय क्षेत्रमा सफाइ तथा जनचेतनामूलक गतिविधि गरिएका थिए। यस पटक विद्यालयमा गरिएको कार्यक्रम क्लिन हिरो अभियानको दोस्रो गतिविधि हो, जसले अभियानलाई सार्वजनिक पर्यटकीय क्षेत्रबाट शैक्षिक संस्थासम्म विस्तार गरेको छ।
क्लिन हिरो अभियानले नेपाल र जापानबीचको सहकार्यलाई अझ सुदृढ बनाउँदै स्वच्छता, पर्यावरणीय जिम्मेवारी तथा नागरिक सहभागिता प्रवद्र्धन गर्ने उद्देश्य राखेको छ।
