बाजुरामा बस दुर्घटना, ६ जना घाइते

शेरबहादुर सार्की

बाजुरा, कात्तिक १५ गते । बाजुराको पूर्वीउत्तर क्षेत्रमा पर्ने बुढीनन्दा नगरपालिका –७ को सेरकाटियानजिक बस दुर्घटना हुँदा चार जना घाइते भएका छन् । बुढीनन्दा नगरपालिका –१ को कोल्टी बसपार्कदेखि मार्तडी हुँदै धनगढी जान लागेको सुप्र ०१००१ ख ३१८१ नम्बरको बस सडकमै पल्टिँदा चालकसहित पाँच जना घाइते भएका हुन् ।

घाइते हुनेमा बडिमालिका –७ का ४२ वर्षिया शङ्करराज सार्की ३२ वर्षीया जयराज जैशी, बुढीनन्दा –१ का ५३ वर्षीया सेते लुहार ५३ वर्षीया जङ्गबीर सार्की र ४४ वर्षीया जयलाल विक र गौमुल गाउँपालिका –६ का २१ वर्षीया चालक तुलाराम सार्की रहेको जिल्ला प्रहरी कार्यालय बाजुराले जनाएको छ ।

घाइतहरुलाई अहिले उपचारका लागि कोल्टी आधारभूत अस्पतालमा लिएर उपचार भइरहेको छ । घाइतको अवस्था अहिले सामान्य रहेको जिल्ला प्रहरी कार्यालय बाजुराका सूचना अधिकारी गगन भाटले बताउनुभयो ।

बाटो साँगुरो भएका कारण बस दुर्घटना भएको बताइएको छ । बस दुर्घटना हुँदा अहिले पाँच जना घाइते भएका छन् । उनीहरुलाई उपचारका लागि बुढीनन्दा नगरपालिका –१ कोल्टीमा रहेको कोल्टी आधारभूत अस्पतालमा लिएको सुदूरपश्चिम यातायात बाजुराको उद्धार समिति सदस्य रामचन्द्र गिरीले बताउनुभयो ।

गोरखापत्र अनलाइन