काठमाडौँ, भदौ १५ गते । टेनिस खेलाडी माहिका राणा र बास्केटबलका विजय बुर्काले ओलम्पिक काउन्सिल अफ एसिया (ओसिए) को आयोजनामा हुने एथलेटिक्स फोरममा भाग लिनुहुने भएको छ ।
एथलेटिक्स फोरम काजाकिस्तानको अस्टानामा सेप्टेम्बर १ देखि ३ तारिखसम्म हुँदैछ । माहिका र विजयलाई आइतबार अन्तर्राष्ट्रिय मान्यता प्राप्त नेपाल ओलम्पिक कमिटी (एनओसी) का अध्यक्ष जीवनराम श्रेष्ठले बिदाइ गर्नुभयो । अध्यक्ष श्रेष्ठले खेलाडीले कार्यक्रबाट सिकेको सिपलाई नेपाली खेलकुदको विकासमा उपयोग गर्न सल्लाह पनि दिनुभयो ।
बिदाइ कार्यक्रममा नेपाल ओलम्पिक कमिटीका महासचिव राजीव श्रेष्ठ र ओलम्पिक कमिटीका सचिव एवं नेपाल बास्केटबल सङ्घका अध्यक्ष भीमसिंह गुरुङको पनि उपस्थित रहेको थियो ।
