बर्लिन, साउन २३ गते । जर्मनीको सर्वोच्च अदालतको नेतृत्वमा भर्ना हुने अपेक्षा गरिएकी एक प्राज्ञले आफ्नो उम्मेदवारीलाई लिएर उठेको विवादले सत्तारुढ गठबन्धनलाई झकझकाएपछि आफूले अब मनोनयनको माग नगर्ने शुक्रबार बताउनुभएको छ ।
फ्राउके ब्रोसियस-गेर्सडोर्फलाई १६ सदस्यीय संवैधानिक अदालतमा नियुक्तिका लागि मध्य-वामपन्थी सोसल डेमोक्र्याट्सले प्रस्ताव गरेको थियो तर चान्सलर फ्रेडरिक मर्जको कन्जरभेटिभ सीडीयू-सीएसयू गठबन्धनभित्रबाट कडा विरोधको सामना गर्नुपरेको थियो ।
दक्षिणपन्थी सांसदहरूले कानुनका प्राध्यापकले गर्भपतन र इस्लामिक हिजाबजस्ता प्रश्नमा अत्यधिक उदारवादी अडान लिएको आरोप लगाएका छन् । उहाँले आफूविरुद्ध गरिएका अधिकांश आलोचना ‘अपमानजनक र वास्तविकताबाट टाढा’ भएको बताउनुभएको छ । गत महिना संसदको समयतालिकाबाट उहाँको मनोनयनको सूची अचानक हटाइएको थियो । सिडियु÷सिएसयु समूहका सांसदभित्र उहाँको पक्षधरताका लागि समर्थनमा कमी थियो ।
एसपिडीले उनको उम्मेदवारीको कडा प्रतिरक्षा गरेको थियो र मर्जको गठबन्धनभित्र यस विषयमा अनावश्यक सार्वजनिक विवाद गर्नेहरूको समूह ठूलो देखिएको छ । मर्जको गठबन्धन सरकारले मेमा पदभार ग्रहण गरेको थियो । बिहीबार ब्रोसियस गेर्सडोर्फले आफू उम्मेदवारका रुपमा नरहेको बताउनुभएको छ ।
उहाँले बिहीबार एक विज्ञप्ति जारी गर्दै भन्नुभएको छ, “सिडियु÷सिीएसयु समूहका सदस्यहरूले हालैका दिन र हप्ताहरूमा सार्वजनिक र व्यक्तिगत रूपमा मलाई निर्वाचनमा सहयोग गर्न असमर्थ भएको बताएका छन् ।” ब्रोसियस गेर्सडोर्फले गठबन्धनभित्रको विवाद बिग्रन नदिन र लोकतन्त्रका लागि अकल्पनीय परिणामका साथ घटनाहरूको ट्रेनलाई गति दिन चाहेको बताउनुभएको छ ।
गत महिना रद्द गरिएको मतदानको उद्देश्य निर्णय गर्न बाँकी रहेका अन्य दुई उम्मेदवारलाई पनि अदालतका लागि अनुमोदन गर्नु थियो । ब्रोसियस–गेर्सडोर्फले भन्नुभयो, “ मैले आफ्नो उम्मेदवारीमा अडिग रहेँ भने यसले ‘अन्य दुई उम्मेदवार’हरूलाई खतरामा पार्न सक्छ, जसलाई म रक्षा गर्न चाहन्छु ।”
एसपीडीका महासचिव टिम क्लुसेन्डोर्फले सिडियु-सिएसयुलाई सङ्केत गर्दै भन्नुभयो, “यो ‘हाम्रो राजनीतिक संस्कृतिको लागि खराब दिन’ थियो र गठबन्धनमा सबैले ब्रोसियस–गेर्सडोर्फलाई समर्थन दिएनन् जुन गठबन्धन सहमति विपरीत छ र उहाँ यसको भागीदार हुनुहुन्थ्यो । उहाँले रेनिशे पोस्ट अनलाइन पत्रिकासँग भन्नुभएको छ, “यसले हरेक लोकतन्त्रवादीलाई सचेत गराउनुपर्छ । निःसन्देह पनि एक प्रख्यात वकिल र विशेषज्ञले यो कदम चाल्नु स्वाभाविक थियो । रासस/एएफपी
