गाजा सिटी, साउन १६ गते । प्यालेस्टिनी लडाकू समूह इस्लामिक जिहादको सशस्त्र शाखाले एक जर्मन मूलका इजरायली बन्धकको भिडियो प्रकाशित गरेको छ । ती बन्धकलाई अक्टोबर २०२३ मा गाजामा आक्रमणको क्रममा अपहरण गरिएको थियो।
छ मिनेट लामो भिडियोमा हिब्रू भाषामा बोल्ने ती पुरुषले गाजामा भोकमरीको सङ्कटबारे हालैका समाचार फुटेजहरू हेरिरहेका देखिन्छन्। उहाँले आफ्नो परिचय दिँदै इजरायली सरकारसँग आफ्नो रिहाईका लागि आग्रह गरेका छन् ।
एएफपीले उक्त भिडियोको सत्यता र छायाँकन गरिएको मितिबारे तत्काल पुष्टि गर्न सकेको छैन । केही इजरायली समाचार संस्थाहरूले भिडियोमा देखिएका र बोलेका व्यक्तिलाई जर्मन–इजरायली नागरिक रोम ब्रास्लाभ्स्क को रूपमा पहिचान गरेका छन् ।
इस्लामिक जिहादले गत हप्ता बन्धकसँग सम्पर्क टुटेको घोषणा गरेको थियो र पछिल्लो भिडियोको सुरुमा टिप्पणीमा यो कुरा दोहोर्याएको थियो।
ब्रास्लावस्कीको अघिल्लो भिडियो अप्रिल १६ मा सार्वजनिक भएको थियो। मूलतः जेरूसेलम निवासी ब्रास्लाभ्स्की नोभा सङ्गीत उत्सवमा सुरक्षा एजेन्ट थिए । अक्टोबर २०२३ मा हमास र इस्लामिक जिहादका सदस्यहरूसहित अन्य प्यालेस्टिनी लडाकूहरूले उक्त सङ्गीत उत्सवमा आक्रमण गरेका थिए।
संयुक्त राज्य अमेरिका र युरोपेली सङ्घद्वारा आतङ्कवादी सङ्गठन मानिएको एक आन्दोलनले वितरण गरेको फुटेजमा ती युवकले अरबी भाषाको टेलिभिजन च्यानलले गाजामा भोकमरीसम्बन्धी रिपोर्ट प्रसारण गरिरहेको हेरिरहेको देखाइएको छ।
अपहरण पर्नुअघि उनले चाडबाडमा गएका थुप्रैलाई बचाएका एक प्रत्यक्षदर्शीले बताएका छन्। इजरायली सेनाका अनुसार त्यस दिन इजरायलबाट लगिएका २५१ जनामध्ये ४९ जना अझै गाजामा रहेका छन्, जसमध्ये २७ जनाको मृत्यु भइसकेको इजरायली सेनाले बताएको छ ।
इजरायलले गाजामा हमाससँग लडिरहेको छ तर जनवरी १९ देखि मार्च १७ सम्म भएको युद्धविरामले इजरायली जेलबाट लगभग एक हजार प्यालेस्टिनीहरूको रिहाईको बदलामा ३३ बन्धकहरूलाई इजरायल फिर्ता गर्न अनुमति दिएको थियो । फिर्ता भएकामध्ये आठ जनाको मृत शरिर इजरायलले बुझेको हो । रासस
