काठमाडौँ, जेठ २० गते। सङ्घीय संसद् प्रतिनिधिसभाको बैठक बुधबार मात्र बस्ने भएको छ।
सङ्घीय संसद सचिवालयका प्रवक्ता एकराम गिरीका अनुसार मङ्गलबार दिउँसो दुई बजे बस्ने भनिएको बैठक बुधबार दिउँसो १ बजेका लागि सरेको हो।
मङ्गलबार विशेष कारणले निर्धारित समयमा बैठक बस्न नसकेकाले दिउँसो दुई बजे बस्ने गरी समय परिवर्तन गरिएको थियो।परिवर्तित समयमासमेत बैठक बस्न नसकेपछि बुधबारका लागि सरेको हो।
प्रतिपक्षी र सत्ता पक्षका दलबिच पर्यटन भिसा प्रकरणमा कुरा नमिल्दा संसद अवरुद्ध हुँदै आएको छ।
