काठमाडौँ, जेठ ११ गते । प्रस्तावित निजामती सेवा विधेयकमा रहेका केही व्यवस्थाप्रति असहमति जनाउँदै निजामती कर्मचारीहरू आन्दोलित भएका छन् ।
कर्मचारीहरूले वृत्ति विकास, सेवा–सुविधा र अन्य प्रावधानमा असन्तुष्टि व्यक्त गर्दै सङ्घीय मामिला तथा सामान्य प्रशासन मन्त्रालय अगाडि धर्नामा बसेका हुन् ।
निजामती कर्मचारी युनियनका प्रतिनिधिहरूले विधेयकमा कर्मचारीहरूको वृत्ति विकासको स्पष्ट मार्गचित्र नरहेको, सरुवा र बढुवामा अस्पष्टता रहेको र सेवा–सुविधामा कटौती गर्ने प्रावधान राखिएको भन्दै विरोधमा उत्रिएका हुन ।
नेपाल निजामति कर्मचारी ट्रेड युनियनका कार्यवाहक अध्यक्ष उत्तम कटुवालले टे«ड युनियन सञ्जालका ११ बुँदे मागहरु सम्बोधन नगरेसम्म आन्दोलन जारी राख्ने बताउनुभएको छ । उहाँका अनुसार पाँच वर्ष काम गरेको कर्मचारीको एक तह र दस वर्ष काम गरेको कर्मचारीको एक श्रेणी बढुवा हुनुपर्ने, शाखा अधिकृतले पाँच वर्षसम्म खुला प्रतिस्पर्धामा सहभागि हुन पाउने व्यवस्था कायम हुनुपर्ने, कर्मचारीको अन्तरप्रदेश सरुवा हुनुपर्ने लगायतका मागहरु कर्मचारीले अघि सारेका छन् ।
कार्यवाहक अध्यक्ष कटुवालले मेचीको मान्छे दार्चुला गएर काम गर्ने बाध्यता रहेको उल्लेख गर्दै कर्मचारी घर जान पाउने कि नपाउने ? भन्दै प्रश्न गर्नुभयो ।
करार कर्मचारीहरुले रित्तो हात घर घर फर्कन नपर्नेगरी व्यवस्था गर्न समेत कार्यवाहक अध्यक्ष कटुवालले सरकारको ध्यानाकर्षण गराउनुभयो ।
-original-thumb.jpg)
