• २२ चैत २०८१, शुक्रबार

वडा सदस्यको मृत्यु

blog

आँधीखोला गाउँपालिका वडा नं –२ का वडा सदस्य स्व. नर बहादुर गोदार ।

अर्जुन काफ्ले
स्याङ्जा, चैत २१ गते ।
आँधीखोला गाउँपालिका वडा नं–२ का वडा सदस्य नर बहादुर गोदारको मृत्यु भएको छ । गाउँपालिकाको वैयाका गोदरको ५५ वर्षीय गोदारको निमोनियका कारण मृत्यु भएको हो ।

दुई दिनबाट मनिपाल शिक्षण अस्पतालमा उपचारत गोदारको बिहीबार बिहान मृत्यु भएको गाउँपालिका अध्यक्ष विश्वनाथ पौडेलले जानकारी दिनुभयो ।

गोदारले २०७९ वैशाख ३० गते भएको स्थानीय तहको निर्वाचनमा नेकपा (एमाले)को तर्फबाट उम्मेदवार बनेर ९२५ मत ल्याई निर्वाचित हुनु भएको थियो । स्वर्गीय गोदारका श्रीमती, तीन छोरी र एक छोरी रहेका छन् । 

वडा सदस्यको मृत्यु भएकोमा शोक व्यक्त गर्दै पालिकाले शुक्रबार शोक बिदा दिएको छ । गाउँपालिका मातहतका वडा कार्यालय, विद्यालय, सङ्घ संस्थाहरू बिदा दिने निर्णय समेत गरेको छ ।