सुन चाँदीको मूल्यमा सामान्य वृद्धि

काठमाडौँ,  माघ २ गते ।  अन्तर्राष्ट्रिय बजारमा सुनको मूल्यमा सामान्य वृद्धि भएसँगै त्यसको प्रभाव स्थानीय बजारमा पनि परेको छ । आज एक औंस सुनको मूल्य दुई हजार छ सय ७५ दशमलव १८ अमेरिकी डलर कायम भएको छ । 

स्थानीय बजारमा प्रतितोला सुनमा रु. चार सयले वृद्धि भएको छ । आइतबार सोही परिमाणको पहेँलो धातु रु. एक लाख ५५ हजारमा खरिदबिक्री भएको थियो । आज एक तोला सुनको मूल्य रु. एक लाख ५५ हजार चार सय कायम भएको नेपाल सुनचाँदी व्यवसायी महासङ्घले जनाएको छ ।

यसैगरी, चाँदीको मूल्य प्रतितोलामा रु. १० ले बढेको छ । आजका लागि प्रतितोला चाँदीको मूल्य रु. एक हजार आठ सय ३० निर्धारण भएको छ । रासस