गजेन्द्र गुरुङ
खजुरा, माघ १ गते । नेपाल मगर सङ्घ नेपालगन्ज उपमहानगरपालिका समिति बाँकेले मङ्गलबार नेपालगन्ज –२० राँझामा माघे सङ्क्रान्तिको शुभकामना कार्यक्रम गरेको छ ।
राष्ट्रिय सांस्कृतिक पर्व माघे सङ्क्रान्तिको शुभकामना आदानप्रदान कार्यक्रम सुरु हुनुअघि जातीय भेषभूषाका साथ राँझा बजारमा सांस्कृतिक झाँकी निकालेको छ । सांस्कृतिक झाँकीमा मगर समुदायका युवायुवतीले नृत्य प्रदर्शन गर्नुभयो ।
