सलिम मियाँ
बिजुवार, पुस १४ गते । प्युठानमा मोटरसाइकलको ठक्करबाट एक जना पैदलयात्रीको मृत्यु भएको छ । आइतबार साँझ प्युठान नगरपालिका –७ टिकुरी बसपार्कमा मोटरसाइकलको ठक्करबाट मल्लरानी गाउँपालिका –४ बासखोला बस्ने ७० बर्षिय रामचन्द्र शाहको मृत्यु भएको प्रहरीले जानकारी दिएको छ ।
टिकुरी बसपार्कबाट बाग्दुलातर्फ जाँदै गरेको लु ९१ प १३३७ नम्बरको मोटरसाइकलले ठक्कर दिँदा सोही दिशातर्फ पैदल हिँडिरहेका शाह गम्भीर घाइते हुनुभएको थियो । उहाँको जिल्ला अस्पताल बिजुवारमा उपचारका क्रममा मृत्यु भएको जिल्ला प्रहरी कार्यालय प्युठानका प्रहरी निरीक्षक निरन्जन रिजालले जानकारी दिनुभयो ।
मोटरसाइकल चालक प्युठान नगरपालिका –६ गुरुङगाउँ बस्ने २३ बर्षिय रुपेश गुरुङ समेत घाइते भएको र उहाँलाई थप उपचारका लागि प्रादेशिक अस्पताल बुट्वल रिफर गरिएको प्रहरीले जनाएको छ । प्युठानमा सञ्चालन भइरहेको भित्रीकोट प्युठान महोत्सव हेरेर फर्कदै गर्दा साँझ उक्त दुर्घटना भएको हुन सक्ने प्रहरीको अनुमान छ ।
