मेलमिलाप गर्दछौँ (कविता)

मेलमिलाप उच्च नीति सबै मिल्नु पर्दछ

समाजमा सुख शान्ति समुन्नति भर्दछ ।

बिपी नीति विचारमा एकभई उठ्नेछौँ

मातृभूमि उन्नतिमा जागा भई जुट्नेछौँ ।।१।।

जुन्किरि मैँ ज्योति छरी अँधेरीमा चम्कन्छौँ

सबै मिलि हर–घडी विकासमा लम्कन्छौँ ।

विज्ञानको प्रविधिमा प्रवर्धन गर्दछौँ

मुलुकको प्रगतिमा तीब्र गती बढ्दछौँ ।।२।।

बाल, वृद्ध, नर–नारी अधिकार बोल्दछौँ 

नेपालमा स्वास्थ्य शिक्षा रोजगार खोल्दछौँ ।

शीर्ष बिपी राजनीति ऐतिहासिक शिखर 

मेलमिलाप नीति आज सान्दर्भिक सुन्दर ।।३।।

सगरमाथा मुस्काउँदै चिसो हावा चल्दछ 

शिखरमा सान दिँदै राष्ट्रध्वजा खेल्दछ ।

मेची–काली डाँडा फाँट हराभरा पार्दछौँ 

राष्ट्रियता गर्छौं हित मेलमिलाप गर्दछौँ ।।४।।