गोरखापत्र समाचारदाता
काठमाडौँ, मङ्सिर २८ गते । रियालिटी सो ‘एक्टिङ स्टार’ को निर्णायक सार्वजनिक गरिएको छ । केही महिनाअघि डिजिटल अडिसन आह्वान गरेर प्रतियोगी खोज्दै गरेको रियालिटी सोको निर्णायकको टुङ्गो लागेको हो । जुरी टिममा नीर शाह, अनुप बराल र ऋचा शर्मा रहनुहुने कार्यक्रम निर्माता अनिल श्रेष्ठले बताउनुभयो । जुरी टिमले ‘एक्टिङ स्टार’ छनोट गर्ने छ । डिजिटल अडिसनमार्फत हालसम्म कलाकार बन्न चाहने हजारभन्दा बढीले भिडियो खिचेर पठाएका श्रेष्ठले जानकारी दिनुभयो । डिजिटल अडिसनबाट छनोटमा पर्न सफल व्यक्तिलाई उनीहरूकै गाउँठाउँमा पुगेर सहभागिताको प्रमाणपत्र प्रदान गरिने उहाँको भनाइ छ ।
