राधा लुइँटेल
फिदिम,कात्तिक २२ गते । घरमा लागिरहेको आगोबाट सामान जोगाउन खोज्दा जलेर घाइते हुनु भएका पाँचथर फिदिम २ का ६२ वर्षीय जयप्रकाश राईको मृत्यु भएको छ ।
उहाँको काठमाडौँ स्थित बर्न अस्पतालमा बिहीबार बिहान मृत्यु भएको जिल्ला प्रहरी कार्यालय पाँचथरले जनाएको छ ।
राईको घरमा मंगलबार अपराह्न सवा चार बजे आगलागी भएको थियो । आगलागी भइरहेका बखत सामग्री जोगाउने क्रममा गम्भीर घाइते हुनु भएका उहाँलाई बुधवार दिउँसो नेपाली सेनाको हेलिकोप्टर मार्फत कीर्तिपुर पठाइएको थियो ।
उहाँको उपचारका क्रममा बिहीबार बिहान मृत्यु भएको पारिवारिक स्रोतले जनाएको छ ।
घरमा आगो सल्किनुको कारण खुलेको छैन भने घर र सम्पत्ति सबै जलेको छ ।
