फिदिममा आगलागी हुँदा घर जल्यो : एकजना गम्भीर घाइते

राधा लुइटेल 

फिदिम, कातिक २० गते। पाँचथरको फिदिम नगरपालिका २ साम्दिनमा आगलागी हुँदा एउटा घर जलेको छ। 

एकजना गम्भीर घाइते हुनुभएको छ। मंगलबार अपरान्ह सवा चार बजे अचानक आगलागी हुँदा ६२ वर्षीय जयप्रकाश राई घाइते हुनुभएको जिल्ला प्रहरी कार्यालय पाँचथरका सूचना अधिकारी (प्रहरी निरीक्षक)बेनिलाल साहले बताउनुभयो।

आगलागी भएको घर स्थानीय कुमारी राईको रहेको प्रहरीले जनाएको छ ।घाइते राईलाई पाँचथर अस्पतालबाट थप उपचारका लागि झापा पठाइएको प्रहरीको भनाइ छ। 

ग्यास लिक भएर आगो लागेको हुनसक्ने प्रारम्भिक अनुमान गरिएको प्रहरीले जनाएको छ।