अबुधाबी, असोज १४ गते । प्यालेस्टिनी शरणार्थीहरुका लागि संयुक्त राष्ट्रसङ्घको राहत र कार्य एजेन्सी (युएनआरडब्लुए)ले गाजाका मानिसहरु अमानवीय अवस्थामा बाँचिरहेको बताएको छ ।
मध्य गाजामा फोहोरको थुप्रो जम्मा भइरहेको र ढलको पानी सडकहरुमा चुहिरहेको एजेन्सीले सामाजिक मिडिया प्लेटफर्म एक्समा उल्लेख गरेको छ । “परिवारहरूसँग यो जम्मा भएको फोहोरको छेउमा बस्नुको विकल्प छैन । तिनीहरुलाई दुर्गन्धित गन्ध र स्वास्थ्य प्रकोपको आसन्न खतरा हुनसक्छ”, युएनआरडब्लुएले भनेको छ । संयुक्त राष्ट्र एजेन्सीले तत्काल युद्धविरामको लागि आह्वान गरेको छ । रासस/एएनआई
