मिलान, असोज २ गते । सन् १९९० विश्वकपमा सर्वाधिक गोलकर्ताका रूपमा चर्चित इटालीका पूर्व स्ट्राइकर साल्भाटोर ‘टोटो’ सिलाचीको बुधबार ५९ वर्षको उमेरमा निधन भएको छ ।
आफ्नो मुलुकमा भएको विश्वकपमा अप्रत्याशित गोलकर्ताका लागि प्रतीक बनेका सिलाचीलाई श्रद्धाञ्जलि अर्पण गर्ने जुभेन्टस इटालीका फुटबल क्लबमध्ये एक थियो । क्लबले जुभे शर्टमा उहाँको तस्बिरका साथ सामाजिक सञ्जालमा ‘सियाओ टोटो’ भनेको छ । आन्द्राको क्यान्सरबाट पीडित सिलाचीको पलेर्मोको ‘सिभिको’ अस्पतालमा निधन भएको इटालेली सञ्चारमाध्यमले जनाएका छन् ।
मुलुकको फुटबल महासङ्घ (एफआइजिसी) ले इटालीमा अहिलेदेखि आगामी सप्ताहन्तसम्म खेलिने सबै खेलमा किक–अफअघि ‘प्रतिबिम्बित मिनेट’ हुने जनाएको छ । “उनको अनुहार सामूहिक खुशीको प्रतीक बनेको उनको गोल उत्सव सधैँ इटालेली फुटबल विरासतको हिस्सा रहनेछ”, एफआइजिसीका प्रमुख ग्याब्रिउल ग्रेभिनाले विज्ञप्तिमा भन्नुभयो ।
सन् १९८० को दशकको प्रारम्भमा मेसिनामा आफ्नो करियर सुरु गरेपछि सिलाचीले जुभेन्टस र इन्टर मिलानका लागि खेले र उनलाई क्लब खेलमा सामान्य सफलता प्राप्त भयो । उहाँको सर्वश्रेष्ठ क्लब सिजन सन् १९९० विश्वकपभन्दा ठिक अघि रह्यो । त्यतिबेला उहाँले सबै प्रतियोगितामा २१ पटक गोल गरे र जुभेन्टसले युइएफए कप र इटालेली कप जित्यो ।
तर इटाली इटालिया ९० को सेमिफाइनलमा पुग्दा छ पटक गोल गरेर उहाँ त्यो समर हट क्लब स्ट्राइकरबाट राष्ट्रिय नायक बन्नु भएको थियो । “जुभेन्टसमा सन् १९९० को उक्त अविश्वसनीय गर्मीमा सम्पूर्ण इटालीका साथ यस्तो गर्नुअघि उहाँबाट उत्साहित हुन पाउँदा हामी भाग्यशाली थियौँ”, जुभेन्टसले भनेको छ, “अलविदा, टोटो । धन्यवाद ।”
सिलाचीले शीर्ष गोलकर्ता भएर गोल्डेन बुट जिते तथा लोथर माथ्युज र डिएगो म्याराडोनाजस्ता खेलाडीहरूभन्दा अघि टुर्नामेन्टको खेलाडीका रुपमा गोल्डेन बल जितेका छन् । नेपोलीका लिजेन्ड म्याराडोनाने नेपल्समा आफ्ना प्रशंसकहरुसामु आयोजक मुलुकलाई आउट गरेपछि इटाली अन्तिम चारमा अर्जेन्टिनासँग पेनाल्टीमा पराजित भएको थियो ।
आफ्नो मुलुकका लागि १६ पटक क्याप गरेका सिलाचीले आफ्नो करियरमा इटालीका लागि मात्र अर्को एक गोल गरे र सन् १९९० विश्वकपको चार वर्षपछि जापानमा जुबिलो इवाताका लागि इन्टर मिलान छोडे । जुबिलो इवातामबाटै उहाँले आफ्नो करियर अन्त्य गर्नु भएको थियो । रासस/एएफपी
