नुवाकोट, साउन २३ गते । दुर्घटनामा परेकाे एयर डाइनेस्टीको हेलिकप्टरका पाइलट अरुण मल्लको लाइसेन्स आधा जलेको अवस्थामा भेटिएको छ । दुर्घटनापछि जलेको हेलिकप्टरमा सवार पाँच जनाको निधन भए पनि केही कागजपत्र भने सुरक्षित भेटिएका छन् ।
२०२३ साल असार १८ गते जन्मनुभएका पाइलट मल्ल ललितपुर महानगरपालिका–३ पुलचोक बस्दै आउनुभएको थियो ।
काठमाडौँस्थित त्रिभुवन अन्तर्राष्ट्रिय विमानस्थलबाट उडेको तीन मिनेटमै एयर डाइनेस्टीको हेलिकप्टर नुवाकोटको सूर्यचौर गाउँपालिका-७ मा दुर्घटना भएको हो । नागरिक उड्डयन प्राधिकरणका अनुसार बुधबार दिउँसो १ः४५ बजे उडेको ९ एन–एजेडी दुर्घटनाभएको हो ।
दुर्घटनामा एक नेपाली (पाइलट) र चार चिनियाँ नागरिकको मृत्यु भएको छ । हेलिकप्टरमा फाङ जु ताओ, ऊ यीयाओ, ली चिए, सिए चमि सवार हुनुहुन्थ्यो । दुर्घटनास्थलमा पुगेर गोरखापत्र अनलाइनका लागि कविन अधिकारीले कैद गर्नुभएका तस्बिरः
