काठमाडौँ, साउन १६ गते । प्रत्यक वर्ष जस्तै यस वर्ष पनि देशभरका विभिन्न जिल्लामा हैजा पुष्टि भएको छ । स्वास्थ्य तथा जनसङ्ख्या मन्त्रालयका प्रवक्त डा.प्रकाश बुढाथोकीले साउनयता काठमाडौं, ललितपुर र कैलालीमा २० जनामा हैजा पुष्टि भएको जानकारी दिनुभयो ।
वर्षाको समयमा बाढीपहिरोका घटनाहरुले पानी तथा सरसफाइका पूर्वाधारलाई पार्ने नकारात्मक असरका कारण नेपालमा हैजा सङ्क्रमण हरेक वर्ष देखिने डा.बुढाथोकीको भनाइ छ ।
डा. बुढाथोकीका अनुसार हैजा अति सङ्क्रामक र छिटो फैलने झाडापखाला हो । पातलो चौलानी पानी जस्तो दिसा आउने, वाकवाकी लाग्ने र वान्ता हुने, कडा जलवियोजन हैजाका प्रमुख लक्षण हुन् ।
हैजा सङ्क्रमणले गम्भीर अवस्थामा पुर्याउदा आँखा गाडिने मुख जिब्रो र घाँटी सुख्खा हुने, पिसाब रङ पहेलो हुने, चिडचिडापन हुने, रक्तचाप कम हुने, मुटुको धड्कन अनियन्त्रित हुने र बेहोस हुने जस्ता गम्भीर लक्षण देखिने गर्दछन् ।
यस्तो स्वास्थ्य संस्थामा नपुगे ५० प्रतिशत मृत्युदर हुने डा.बुढाथोकी बताउनुहुन्छ । डा. बुढाथोकीका अनुसार हैजा सङ्क्रमित ८० प्रतिशतमा मन्ददेखि मध्यमस्तरको लक्षण देखिन्छ । २० प्रतिशतलाई चौलानी जस्तै दिसा हुने र पानीको अभाव तीव्र लक्षण देखिने डा.बुढाथोकीको भनाइ छ ।
गर्मी तथा वर्षयाममा विशेष गरी झाडापखालाका, हैजा तथा पानी रोगहरु फैलने हुँदा सम्पूर्ण सरोकारवालाहरु सहज र सतर्क रहन उहाँले आग्रह गर्नुभएको छ ।
प्रवक्त बुढाथोकीद्वारा जारी विज्ञप्तिमा रोगीको मलमुत्रबाट पानीको मुहानलाई जोगाउन, झिगा लागेको बासी, सडेगलेको, नपाकेका, चिसिएको खुला स्थानका खाद्यपदार्थ नखान उहाँले उल्लेख गर्नुभएको छ ।
पानीलाई उमालेर वा क्लोरिन प्रयोग गरेर मात्र प्रयोग गर्न र व्यक्तिगत सरसफाई तथा खानेकुराको सरसफाइलाई विशेष ध्यान पुर्य ाउन उहाँकाे सुझाव छ ।
दिसा पिसाब गर्न चर्पीको प्रयोग गर्ने र दिसा पिसाब गरिसकेपछि साबुनपानीले मिचीमिची हात धुन उहाँले अनुरोध गर्नुभयो ।
-original-thumb.jpg)
