साथी तिमी मेरो (कविता)

साथी कस्तो हुनु पर्छ तिमीसँग सिकेँ मैले

साथीमा हुनुपर्ने सबै गुण तिमीसँग पाएँ मैले

तिम्रो साथले मेरो जीवन अर्थपूर्ण बनाएका छौ

साँच्चै तिमी मेरो लागि विशेष छौ

मेरा हरेक गुण अवगुण स्विकारेकी छौ

मेरा हरेक राम्रा नराम्रा पक्षको साक्षी हुन पुगेकी छौ

मेरा हरेक दुःखसुखमा साथी भएकी छौ

मेरा कैयौँ अभावको साथी बनेकी छौ

थाहा छैन मित्रतामा कटुता आएको

थाहा छैन मित्रतामा द्वेष आएको

तिम्रो साथले सरल बनाइदिन्छ मेरा कठिनाइहरू

तिम्रो भरोसाले सहज बनाइदिन्छ मेरा बाधाहरू

तिमी हुँदा नै म निर्धक्क हुन्छु

तिमी हुँदा नै म गर्वको महसुस गर्छु

त्यसैले त विशेष छौ मेरो लागि तिमी 

त्यसैले त अनमोल छौ मेरो लागि तिमी