सुजल श्रेष्ठ
प्युठान, जेठ २२ गते । नेकपा (एमाले) प्युठानको अध्यक्षमा विजय बिराज विष्ट निर्वाचित हुनुभएको छ । मङ्गलबार भएको निर्वाचनमा विष्टले २ सय ९९ मत प्राप्त गरी विजयी हुनुभएको हो । प्रतिस्पर्धी मधुर शर्माले १ सय ८५ र अजय सिंहले २५ मत प्राप्त गर्नुभएको छ ।
उपाध्यक्षमा माधव शर्मा पौडेल २ सय ५७ मत प्राप्त गरी विजयी हुनुभएको छ । प्रतिस्पर्धी नेगन सिंह कवरले २५१ मत प्राप्त गर्नुभयो । मतदानमा ५ सय २३ मत खसेको थियो ।
सचिव इन्द्रमणी पोख्रेल, उप–सचिव हीरामणि भण्डारी र उप–सचिव इश्वरा आचार्य निर्विरोध निर्वाचित हुनुभएको छ । त्यसैगरी, ८९ सदस्यीय जिल्ला कमिटीमा सदस्यहरू निर्विरोध निर्वाचित भएका छन् । दसौँ अधिवेशनको आइतबार महासचिव शङ्कर पोख्रेलले उद्घाटन गर्नुभएको थियो ।
-square-thumb.jpg)
-original-thumb.jpg)
