विश्व क्रिकेटमा कोहलीको कीर्तिमानी ५० औं शतक

काठमाडौं, कात्तिक २९ गते। विश्व क्रिकेटमा भारतका ब्याट्सम्यान विराट कोहलीले कीर्तिमानी शतक प्रहार गर्नुभएको छ। बुधबार भएको विश्वकप क्रिकेट २०२३ को पहिलो सेमिफाइनलमा न्युजिल्यान्डविरुद्ध कोहलीले कीर्तिमानी ५० औँ शतक बनाउनुभएको हो।

उहाँको यो शतकसँगै सचिन तन्दुलकरको नाममा रहेको ४९ शतकको कीर्तिमान तोडिएको हो।क्रिकेटर कोहलीले २ सय ७८ इनिङ्समा ५० शतक प्रहार प्रहार गर्नुभएको हो।

घरेलु मैदानमा जारी एक दिवसीय विश्वकपको सेमिफाइनलमा भारतले न्युजिल्याण्डलाई ३९८ रनको लक्ष्य दिएको छ । टस जितेर पहिला ब्याटिङ गरेको भारतले निर्धारित ५० ओभरमा ४ विकेट गुमाएर ३९७ रन जोड्यो ।

भारतका लागि कोहलीले ११७, श्रेयसले १०५ र सुमन गीलले ८० रन जोड्नुभयो । अहिले न्युजिल्यान्डले जवाफी ब्याटिङ गरिराखेको छ ।